Rusiye kontrolindeki Aqmescit rayon mahkemesine Rusiye prokuraturası "zorbalıq areketlerine çağırğanında" qabaatlanğan İslâm Terek rayonınıñ 34 yaşında sakinine qarşı dava yollandı. Bu aqta mayısnıñ 4-nde Rusiye qurğan Qırım prokuraturasınıñ matbuat hızmeti bildirdi.
"Qabaatlanğan kişi içtimaiy ağlarda millet mensüpligine köre insanlarğa zorbalıq areketlerini yapmağa çağırğan edi. Onıñ qanunsız faaletini Qırım Cumhuriyeti ve Aqyar şeerindeki Rusiye FSB İdaresiniñ hadimleri toqtattı", – dep aytıla haberde.
Qabaatlanğan kişiniñ adı ve soyadı aytılmay, açıq izaatları yoq. Qırımlınıñ tam ne yazğanını Rusiye müessisesi aytmay.
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, informasion boşluq üzerinde nezaretni quvetleştire, dep bildirdi.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını «areketsizleştirgenleri» içün yaqalana ve memuriy ve cinaiy mesüliyetke çekile.
"Tribunal. Krımskiy epizod" aq qorçalayıcı leyhası menbalarınıñ malümatına esaslanıp bildirgenine köre, laf "Qalay (Azovskoye) köyüniñ sakini Serdar İzmaylov aqqında ketedir, FSB hadimleri onı taa 2024 senesi iyün ayında tutıp, bir yıldan ziyade (2025 senesi noyabr ayına qadar) uquqiy statussız bütünley izolâtsiyada tuttı".