İsrail arbiyleri sentâbrniñ 28-nde ABDde terroristik teşkilât olaraq tanılğan «Hizbullah» Lübnan teşkilâtınıñ lideri Hasan Nasrallahnı Beyrutqa qarşı darbe vaqtında öldürdi, dep bildirdi.
İsrail ordusınıñ arapça spikeri Aviçay Adriniñ sentâbrniñ 28-nde bildirgenine köre, Nasrallahtan ğayrı «Hizbullahnıñ» cenübiy cebe komandanı Ali Karki ve diger komandanlar öldürildi.
«Açıq-aydın: İsrail vatandaşlarına şimal, cenüp ve daa uzaq cebelerde telüke ketirgen er birini alacaqmız», – dep aytıla haberde.
«Hizbullah» Nasrallahnıñ ölümini şimdilik tasdıqlamadı.
Nasrallah 32 yıl devamında siyasiy firqa olğan ve Lübnannıñ cenübindeki şiiyler yaşağan yerlerniñ çoqusını kontrol etken gruppanıñ reberi edi.
İsrail Silâlı quvetleri sentâbrniñ 28-nde saba Beyrut şeer civarındaki bir sıra kütleviy bombardımandan bir künden soñ, Nasrallah ve başqalarını nişanğa alğan Beyrutnıñ cenübinde ve Lübnannıñ şarqındaki Bekaa vadiysinde «Hizbullahnıñ» nişanları olğanını aytqan yerlerge qarşı yañı ücümler yaptı.
ABD terroristik teşkilât olaraq tanığan, AB ise siyasiy firqasını degil de, tek onıñ arbiyleştirilgen qanatını tanığan Nasrallahnıñ «Hizbullahı» İran tarafından yardım etilgen diger silâlı gruppalarnen yaqın bağlar inkişaf etti, olarnı ögretmege ve silâlandırmağa yardım etti.
Sentâbrniñ 27-nde baş nazir Benyamin Netanyahu BM-de İsrailniñ İran tarafından yardım etilgen «Hizbullahqa» qarşı areketleri toqtamaycağı aqqında haberdar etti.
Netanyahunıñ çıqışı ABD, Frenkistan ve diger ğarbiy ittifaqdaşlar tarafından bu afta Lübnan-İsrail sıñırında cenk küçlengen soñ 21 künlük ateşkeske çağıruv yapqan diplomatik areketler arasında oldı, anda İsrail, özleri aytqanına köre, İran tarafından yardım etilgen «Hizbullah» nişanlarını bombalay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.