İşğal etilgen Qırımnıñ Rusiye prokuraturası Rusiye Cenübiy okrugınıñ arbiy mahkemesine Rusiye terrorist dep tanığan teşkilâtta iştirak etüv cinaiy davasını yolladı. VKontakte içtimaiy ağında derc etilgen haberde qabaatlanğanlarnıñ adları aytılmadı.
Tahqiqat malümatına köre, 2025 senesi yanvar ayından oktâbr ayına qadar qabaatlanğan qadınlardan biri Bağçasaray rayonında Rusiyede yasaqlanğan teşkilâtnıñ faaliyetini teşkil etti, qalğanları onıñ azaları oldı. Tahqiqat gizli dep aytqan toplaşuvlarda qadınlar Rusiyede ekstremist dep tanılğan edebiyatnı oqudı ve "devlet akimiyetini zapt etüv kerekligini" muzakere ettiler.
Berilgen malümatqa köre, Qırım ve Aqyardaki FSB idaresiniñ hadimleri faaliyetni qayd etip toqtattı.
Kimler aqqında aytılğanı resmiy bildirilmey.
Qabaatlav vaqtı, rayonı ve terkibine köre dava Bağçasaraydaki qadın "Hizb ut-Tahrir" gruppasınen bağlı ola bile: Esma Nemetullayeva, Elviza Aliyeva, Nasiba Saidova ve Fevziye Osmanova. Rusiye uquq qoruyıcıları 2025 senesi oktâbrniñ 15-nde saba tintüvler vaqtında tutuldı. İşğal etilgen Qırımda mabüsleri qadınlar olğan ilk dava oldı.
Qırımtatar resurs merkezi ve "Qırım birdemligi" yazğanlarına köre, qadınlar "terror teşkilâtınıñ" faaliyetini teşkil etkeninde ve akimiyetni zorbalıqnen zapt etmege azırlanğanında qabaatlana. Sentâbrniñ 5-nden olar malümatnı inceledi. Sentâbrniñ 8-nde apis cezası 2026 senesi oktâbrniñ 14-ne qadar uzatıldı.
Esma Nemetullayeva – Bağçasaray sakini, çağına yetmegen beş qıznıñ anası, 2023 senesi oşağan dava boyunca apiske alınğan Remzi Nemetullayevniñ ömür arqadaşı. Elviza Aliyeva – Topçıköy (Dolinnoye) köyünden student. Nasiba Saidova – imamnıñ qızı, Zalanköy (Holmovka) köyündeki bala bağçasınıñ ocası. Fevziye Osmanova Mamaşay (Orlovka) köyünde yaşay ve tükânda çalıştı.
Aq qorçalayıcılar "Hizb ut-Tahrir davaları" boyunca taqiplerni siyasiy sebepli dep saya: teşkilât Rusiyede yasaqlandı, amma Ukrayinada yasaq altında degil, qabaatlav toplaşuv ve diniy edebiyatqa esaslana, zorbalıq delilleri yoq.