Hersonda tutıp esir etilgen saqat göñüllini Qırımda casuslıq ile qabaatladılar, dep haber ete "Qırım uquq qoruyıcı gruppası".
28 yaşındaki Nikolay Petrovskiy casuslıq ile qabaatlandı (Rusiye Ceza Qanunnamesiniñ 276 maddesi, on yıldan yigirmi yılğa qadar apis cezası). Şimdi o Aqmescitniñ 2-nci SİZO-sında tutula.
Uquq qoruyıcalarnıñ malümatına köre, rusiyeliler Nikolay Petrovskiyni 2022 senesi martnıñ 27-nde Hersonnıñ merkezinde tutqanlar. Ğayıp olmazdan evel faal bir körüşüvge ketken ve ayndan qaytmağan. Soñra malüm olğanı kibi, Nikolay Rusiye arbiyleri tarafından yaqalanğan. Yarım yıl devamında FSB hadimleri onı mağazada tutqanlar, Rusiye ordusı şeerden keri çekilgen zaman ise alıp ketkenler.
ZMINA insan aqları merkeziniñ evel haber etkeni kibi, 2012 senesi Petrovkiy qazağa oğrağan. Qaza neticesinde ayağınıñ bir qısmını ğayıp etken, baş travması keçirgen ve çengesi qırılğan. Bundan soñ Nikolay betiniñ sol tarafı ile bağlı qıyınlıqlar yaşamağa başlağan - yaramay eşitmege ve körmegen başlağan. Tuvğanlarınıñ sözlerine köre, mağazadaki iskenceler ve açlıqtan soñ Nikolaynıñ sağlıq alı bayağı zayıflaşqan.
"Agenstvo" Rusiye neşri Aqmescit SİZO-sında elliden yüzgen qadar ukrayin tutılğanını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.