«Restavratsiyadan» evelki Hanlar sarayı ve Sovetler Birligi zamanındaki Bağçasaray manzaraları (fotoresimler)

Turistler Bağçasaraynıñ diqqatqa lâyıq yerlerinden biri ve Qırımnıñ eñ çoq tanılğan yeri olğan Hanlar sarayınıñ iç azbarçığını dolaşa 

Hanlar sarayı XVI asırda qurulıp, Rusiyeniñ birinci Qırım ilhaqı olğan 1783 senesine qadar Qırım hanlarınıñ rezidentsiyası olıp qalğan edi 

Er adam saraynıñ iç azbarçığındaki balkonda

Dürbeniñ qubbesinden Büyük Han Camisiniñ minaresi körüne

Bağçasaraydaki saray – dünya seviyesindeki tarih ve medeniyet yadikârlığı, dünyada qırımtatar saray mimarcılığınıñ yekâne örnegidir

Minaredeki örnekler

Turistik avtobuslar saray kirişinde tura, birincisi Yaltadan keldi

1736 senesi, Qırım hanlığınıñ Rusiye ile cenki vaqtında, Bağçasaraynı Rusiye ordusı zapt etti. Saraynı ateşke bergenler. Yanğından soñ saraynı Qırım hanları ğayrıdan tiklegen edi

1930 seneleri saray tamir etildi, o vaqıt saraynıñ tış örneklerini kireçnen qapatqanlar. 60-ıncı yılları USSC Devlet qurumınıñ Ukraina ilmiy-tamir idaresiniñ alimleri boya çıqarıp, saraynıñ örnekleri ve mimarcılıq inceliklerini tamir etti

Bağçasaray soqaqlarında