Ukrayınanıñ vaqtınca işğal etilgen topraqlarınıñ reintegratsiya meseleleri nazirligi Halqara gumanitar uquq vekâletlisi institutını qurmağa teşebbüs kösterdi, dep bildirdi baş nazir muavini, müessise yolbaşçısı İrına Vereşçuk.
Onıñ aytqanına köre, Vekâletli cenk esiri statusını alğan şahıslarnıñ aqlarına riayet etilgenini kontrol etecek.
Bunıñ içün «Ukrayınada halqara gumanitar uquq normalarını qullanuv ve olarğa riayet etüv» qanun leyhasını qabul etmeli.
Al-azırda Ukrayınada cenk esirleriniñ muracaatlarınen bağlı koordinatsion ştab çalışa.
Ukrayına prezidenti Volodımır Zelenskıy bildirgenine köre, Ukrayına Rusiye ile esirlerni deñişüvler neticesinde 1319 insannı evine qaytarıp oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.