Tahqiqat vaqtında genotsid yapılğanı qayd etildi – insanlıqqa qarşı cinayet, oña alâqası olğan şahıslar belli. Tahqiqat soñra toqtatıldı. Esas sebep – davanıñ esas şahısları sağ degil, dep añlattı prokuratura. Şunıñ içün tolu mahkeme esnasınıñ kelecegi yoq edi. Qırımtatar halqınıñ vekilleri bu qararnen razı degil. Meclis mahkeme sürgünlikni genotsid olaraq tanımalı, dep bildire.
Dava yañıdan baqıla bilemi? Sürgünlik şaatları ve qorantalarınıñ şaatlıqları toplanılamı? Dünya memleketleriniñ sürgünlikni resmiy şekilde genotsid olaraq tanıması müimmi? Sovet akimiyetiniñ o vaqıttaki siyaseti ve bugün Rusiye işğalci akimiyetiniñ qırımtatarlarğa qarşı siyasetinde neler bir?
Bu aqta Qırım.Aqiqat Radiosınıñ yayınında alıp barıcı Alena Badük Qırımtatar Resurs Merkeziniñ idare reisi ve Qırımtatar Milliy Meclisiniñ azası Eskender Bariyev ve Ukrayin institutınıñ baş müdir muavini, jurnalist ve aq qorçalayıcı Alim Aliyevnen laf etti.