Aqmescitli fotoressam ve uquqçı Gennadiy Afanasyevniñ adı «qırımlı terroristler» davasınıñ mabüsi olğan soñ meşur oldı. 2014 senesi o, Qırımnıñ Rusiye işğaline qarşı çıqtı, soñra Aqmescitte FSB hadimleri tarafından tutuldı. Onı terakt azırlağanında qabaatladılar. Halqara aq qorçalayıcı teşkilâtlar davanı siyasiy, mabüslerini ise siyasiy mabüs dep adlandırğan edi. Azat edilgen soñ Gennadiy Afanasyev 2016-2018 seneleri Qırım.Aqiqat müellifi edi. Gennadiy Afanasyev Ukrayınanı qoluna silâ alıp qorudı, Rusiyeniñ Ukrayinağa qarşı büyük istilâsı başlağan ilk künlerde arbor komissarlıqqa bardı.
Ukrayınanıñ Qırımı içün küreşti, Rusiye apsinde yattı ve cenkte elâk oldı: bir yıl evelsi qırımlı Gennadiy Afanasyev vefat etti (video)
Your browser doesn’t support HTML5
2022 senesi dekabr ayında qırımlı Gennadiy Afanasyev Lugansk vilâyetinde Biloğorivka civarında elâk oldı. «Tor» tahallüsini alğan Afanasyev Ukrayına Silâlı quvetleriniñ 241-inci brigadasınıñ 130-ıncı territorial mudafaa batalyonında askerlik yaptı.