Ukrayina Silâlı Quvetleriniñ general mayorı Dmıtro Marçenko Qırım.Aqiqatqa Rusiye onıñ içün mukâfat ilân etkenini aytıp berdi.
"Yahşı, böyle aytayıq, maña suiqast etme olmadı, belki oldı da menim haberim yoq, amma menim içün mukâfat ilân etkenleri oldı. Bunı maña mahsus hızmetler haber ettiler. Çünki Mıkolayivde olğanım zaman men qaravullarsız edim. Men soqqalarda yürip, askerlernen laf ete edim. Men özü tışarığa çıqmasam, men nasıl bir imecim? Belki bazıda saçmalıq da edi", - dedi Marçenko.
Dmıtro Marçenko cenkniñ ilk künlerinden Mıkolayiv ve Mıkolayiv vilâyetiniñ mudafaasını idare etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.