Rusiye arbiyleri ilk qış ayınıñ 30-na keçken gecesi Ukrayinağa işğal etilgen Qırım ve Voronesk vilâyetinden eki İskander-M ballistik raketalarnen ve 60 pilotsız uçqan cihaznen ücüm etti, olardan 40-qa yaqını "şahed" edi, dep bildirdi Ukrayina Arbiy-ava quvetleri. Dronlar Rusiye Federatsiyasınıñ dört yönelişinden ve Çauda burnundan ve Qırımnıñ Sarabuz qasabasından uçurıldı.
"Evelki malümatqa köre, saat 09:00 ava mudafaası memleketniñ şimalinde, cenübinde ve şarqında bir ballistik raketa ve 52 duşmannıñ "Shahed", "Gerber" ve diger tiplerniñ dronlarını urıp tüşürdi", — dep aytıla haberde.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.