İlk küzniñ 29-nda aqşam ve 30-na keçer gecesi ilhaq etilgen Qırım ve Aqyar ücümge oğradı, bir sıra rayonlarda dronlarnıñ uçması, patlavlar, Rusiye MOG ve Ava mudafaasınıñ atışları eşitildi, dep bildire Qırım pablikleri ve Rusiye akimiyeti.
"Krımskiy veter" telegram kanalı yazğanına köre, patlavlar Aqmescit ve Aqmescit, Qarasuvbazar ve Saq rayonlarında oldı.
"Dronlar Tavriya TES yönelişine uça, MOG ateş aça", — dep bildire abuneci.
İlk küzniñ 29-nda aqşam uçaqlarnıñ ücümini işğal etilgen Aqyar qaytarğan edi, dep bildirdi şeerniñ Rusiye akimiyeti.
Ukraнina ve Rusiye arbiyleri Qırımdaki adise-vaqialarnı izaatlamadı.
Qırım.Aqiqat arbiy areketler şaraitinde bu malümatnı mustaqil olaraq teşkerip olamay.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.