Rusiyede FSB hadimleri Uraldaki müessisede terakt azırlağan Tümen sakini "yoq etildi", dep bildirdi. FSB cemaat bağları merkeziniñ haberini TASS resmiy agentligi bere.
Uquq qoruyıcılarnıñ malümatına köre, Ukrayina Sovet Sotsialistik Cumhuriyetinde doğğan ve 60 yaşında olğan kişi Telegram vastasınen "Ukrayina mahsus hızmetleriniñ vekillerinen bağlanıp, Ural federal okrugında büyük sanayı müessiselerinden birinde terakt azırlağan edi".
FSB, tutulğanda er adam uquq qoruyıcılarğa ateş açtı ve cevap olaraq açılğan ateşnen öldürildi, dep haber etti.
Rusiye Federatsiyasınıñ Tahqiqat komiteti erkekke qarşı "terakt azırlanuvı", silâ, silâ parçalarınıñ qanunsız qullanıluvı, patlayıcı cihazlarnı qanunsız tarqatuv ve "uquk qoruyıcı organları hadimleriniñ ayatına suiqast etüv" şübhesinen cinaiy dava açıldı, dep bildirdi.
Rusiyeniñ Ukrayinağa qarşı büyük istilâsı başlağanından FSB hadimleri tutulğanda öldürilgen şübheli aqqında 87-inci kere bildire, dep saydı "Vajnıye istorii" neşiri.