FSB, Deutsche Welle jurnalisti Nikolas Konolli ve 1+1 ukraнin kanalınıñ mühbiri Natalya Nagornayağa qarşı Rusiye Federatsiyasınıñ Kursk vilâyetinde film çeküvleri sebebinden sıñırdan qanunsız keçüv boyunca cinaiy davalat açtı. Bu aqta "Kommersant" haber ete.
Avgustnıñ 17-nden berli Rusiye mahsus hızmeti Kursk vilâyetinde reportajlar çıqarğan yedi çetel jurnalistke qarşı cinaiy dava açtı.
Bundan evel CNN amerika telekanalınıñ jurnalisti Nik Peyton, ukrayin mühbirleri Olesi Borovik ve Diana Buttsko, italyan RAI jurnalistleri Simoni Trayni ve Stefani Battistinige qarşı davalar açılğan edi.
Keçken afta Devlet Dumasında Deutsche Welle "istenilmegen" teşkilât olaraq tanılmasını teklif ettiler. 2022 senesi fevral ayından berli Rusiyede Deutsche Welle yayınlavı yasaqlandı, aynı yılnıñ mart ayında ise onı "çetel agentleri" cedveline kirsettiler. Deutsche Welle baş müdiri Peter Limburg, bu "matbuat serbestligine qarşı daa bir basqı adımı ve Rusiyeniñ ealisini serbest malümattan ayırmaq içün daa bir ıntıluv", dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.