Rusiye Federatsiyasınıñ FSB-sı işğal etilgen Kezlev sakinini devletke qarşı cinayet işi boyunca yaqalağanını bildirdi. Aq qoruyıcılar böyle "açıqlamalarnıñ" propagandistik hususiyetini qayd eteler.
Rusiye FSB-sı Armannıñ 24-nde işğal etilgen Qırımda devlet hainliginde şübeli sayılğan 23 yaşındaki Kezlev sakini (2003 senesi doğma) tutuldı, dep bildirdi.
FSB cemaat alâqaları merkeziniñ malümatına köre, genç Telegram vastasınen öz teşebbüsinen Ukrayina telükesizlik hızmetiniñ hadimi ile bağğa çıqqan ve yarımadada RF Silâlı quvetleriniñ obyektleriniñ bulunğan yerleri aqqında foto ve video malümatını yollağan.
Para kompensasiyası içün o, Qara deñiz flotunıñ askerleri ve "cemaat erbapları"nıñ yaşağan yerlerini aydınlatmaq vazifelerini becergen ve havfsızlıq küçleri hadimleri aqqında malümatnı açıq menbalarda qıdırğan.
FSB-de bildirgenlerine köre, bir basamaqta oña maşnanıñ altına patlav cihazını qoyıp, QF-nıñ arbiy hızmetçisini yoq etmege teklif etkenler. RF Ceza kodeksiniñ 275 maddesine istinaden (devlet hainligi), mahkeme tutulğan şahısnı apiske aldı. Bu versiyanıñ mustaqil tasdıqları yoq.