«Belli ki, 30 yaşında erkek «Telegram» mesencerindeki ukrayin çat-botu vastasınen Kefe körfezindeki arbiy gemilerniñ yeri kaqında malümatlar ve Kefedeki arbiy bölüklerden biriniñ fotoresimlerini yollay edi», – dep bildire kütleviy haber vastaları Rusiye uquq qoruyıcılarınıñ malümatını.
Tutulğan kişige qarşı devlet hainligi davası açıldı, şübheli 20 yıl qadar apis cezasını ala bile, dep haber ete Rusiye kütleviy haber vastaları.
Qırımda 2015 senesi Rusiye mahkemesi rejisser Oleg Sentsovnı teraktnı teşkil etüv qabaatlavınen 2- yılğa üküm etti. Rusiye uquq qoruyıcıları «Hizb ut-Tahrir» islâm siyasiy firqasınıñ vekillerini de «diversiyada» qabaatlay.
Ukrayinağa qarşı büyük ücüm başlanğan soñ, Rusiyede ve işğal etilgen topraqlarda cenkke qarşı çıqqanlar kütleviy sürette taqip etile. 2023 senesi Rusiye Federatsiyasında eñ az 98 kişi satqınlıq, 31 casuslıq, 19-ı ise ecnebiylernen işbirligi cinaiy davalarınıñ iştirakçisi oldı. Mahkemelerge eñ az 88 dava ketirildi, olardan 50-si endi qabaatlavlarnen neticelendi, dep esapladı Sibir.Realii.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.