Erkekni iyülniñ 18-nde Herson vilâyetiniñ işğal etilgen Rusiye Federatsiyasınıñ Geniçesk rayonındaki Krasnoye köyünde tuttılar. Rusiye telükesizlik hadimleriniñ bildirgenine köre, yaqalanğan 2016 senesi "batalyonğa" qoşuldı. Oña qarşı Rusiye Federatsiyası Ceza kodeksiniñ 208 maddesiniñ 2-nci qısmına istinaden (Qanunsız silâlı birleşmede iştirak etüv) cinaiy dava açıldı, o, 15 yılğa qadar azatlıqtan marum etüv cezasını belgiley.
İşğalciler qanunsız şekilde tutulğan Ukrayina vatandaşınıñ adını ve soyadını bildirmeyler, amma ukrayin kütleviy haber vastalarından biriniñ oquyıcıları onıñ şahsiyetini bildirdi.
"Raşistlerniñ tarqatqan videosında, Smailov Seydali, 1968 senesi aprel 13-te doğdı. İşğalden evel yolcu taşımacılığı ile oğraşa edi, bir ayağını coyğanı içün saqatlıq pensiyası bar. Rusiye FSB-si hadimleri saqatnı yerastına alıp ketti, anda onı elektriknen eziyetlediler, köteklediler, tişlerini qırıp çıqardılar ve kamerağa oña batalyonğa yardım etkenini aytmağa zorladıla", — "Geniçesk" neşiri yazğan edi.
Bir kün evel Herson vilâyetiniñ işğal etilgen qısmında Rusiye mahkemesi qırımtatar batalyonında iştirak etkeni içün bir adamnı üç buçuq yılğa üküm etkenini haber etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.