Ukrayinanıñ Almaniyanıñ Taurus raketalarınen bir olğan ücüm vastaları endi bar – bu aqta mudafaa naziri Mıhaylo Fedorov mayısnıñ 11-nde Kyivde alman zenaatdaşı ile keçirgen brifingde bildirdi.
Aynı vaqıtta, onıñ aytqanına köre, Kyiv daa çoq raketa almaq içün daima açıq.
"Taurus aqqında aytsaq, ebet, oşağan ve daa büyük mesafede çalışqan raketalarımız endi bar, amma böyle ücüm vastaları bir vaqıt az olamaz", – dedi Fedorov.
Nazirniñ fikirince, Ukrayina bu yönelişte "belli bir mustaqillik" qazana:
"Epimiz Rusiyege qarşı 1500 km darbelerni kördik. Şunıñ içün Ukrayina ev işini yahşı yapa".
Mayısnıñ 11-nde Almaniya mudafaa naziri Boris Pistorius Kyivge "Ukrayina ile mudafaa sanayısında işbirligini kenişletüv" muzakereleri içün keldi.
Bıltır Almaniya kantsleyeri Fridrih Merts Ukrayinağa berilgen Taurus uzaq mesafeli qanatlı raketalarınıñ berilüvi "ola bile", dep bildirdi. Almaniyanıñ sabıq kantsleyeri Olaf Şolts bu raketalarnıñ Ukrayinağa berilüvini red etken edi.
2025 senesi iyün ayında Almaniya mudafaa naziri Berlin Taurus uzaq mesafeli qanatlı raketalarınıñ Ukrayinağa berilüvini şimdilik baqmay, dep bildirdi.