Facebook ve İnstagram (Facebookqa ait) içtimaiy ağlarınıñ işinde büyük hata oldı. Ukraina ve Rusiye qullanıcıları kiriş problemleri olğanını şikâyet ete.
Downdetector servisiniñ malümatına köre, içtimaiy ağlar işindeki hata eñ çoq ABD ve Ğarbiy Avropada qayd etile.
The Verge bilgisayar tehnikası ve gacetler aqqında Amerika saytınıñ yazğanına köre, içtimaiy ağlarda bir şey yazmağa, mesac yollamağa ve almağa imkân yoq.
Facebook şirketi problemni bilip, onı çezmege tırışqanını aydınlattı.
«Bazı insanlarnıñ şimdi Facebook ailesiniñ ilâvelerine kirişinde problem olğanını bilemiz. Problemni eñ qısqa vaqıtta al etmek içün çalışamız», – dep aytıla Facebooknıñ Twitterdeki resmiy saifesinde derc etilgen beyanatında.
We’re aware that some people are currently having trouble accessing the Facebook family of apps. We’re working to resolve the issue as soon as possible.
— Facebook (@facebook) 13 марта 2019 г.