«Evde körüşmek üzre»: Kyivde qırımtatar bayrağında qırımlılar içün tilekler yazıldı (fotoresim)

9-ğa 16 metrlik qırımtatar bayrağı Kramatorskta (Donetsk vilâyeti) «Beraber ğalebege doğru!» göñülliler merkeziniñ iştirakçileri tikti. Bütün tilekler toplanğan soñ onı iyünniñ 26-nda – Qırımtatar halqınıñ milliy bayrağı kününde – Qırım ve esas Ukrainanıñ memuriy sıñırından Qırımğa uçuracaqlar.

Eski siyasiy mabüs, qırımlı Volodımır Baluh bayraqta tilegini qaldırdı

Biri bayraqta «Evde körüşmek üzre!» dep yazdı

Teşkilâtçılar tedbirni «Tilekler bayrağı» dep adlandırdı ve aktsiyada iştirak eteceklerni içtimaiy ağlarda #Стяг_над_Кримом heştegi ile fotoresim paylaşmağa çağırdı

Bayraqnı iyünniñ 26-nda – Qırımtatar bayraq künü munasebetinen Rusiye işğal etken Qırımğa uçurmağa planlaştıralar. «Üçünci küç» teşkilâtınıñ göñüllileri onı memuriy sıñırdan ava kürreleri vastasınen uçuracaq

Qayd etmeli ki, bayraqnı birinci imzalağan kişi qırımtatarlarnıñ milliy lideri Mustafa Cemilev oldı

Fotoresimde – aktsiya teşkilâtçılarından biri İsmail Ramazanov (soldan ekinci), eski siyasiy mabüs qırımlı Volodımır Baluh ve Qırımtatar Milliy Meclisiniñ reis muavini İlmi Umerov

Qırımtatar bayraq künü iyünniñ 26-nda qayd etile. 1991 senesi iyünniñ 26-27-nde Aqmescitte toplaşqan ekinci Qırımtatar Milliy Qurultayınıñ birinci künüdir