Ukrayina prezidenti ofisiniñ yolbaşçısı Andriy Yermak dekabrniñ 6-nda nevbetteki esirler deñişüvi olıp keçkeni aqqında haber etti.
"Ukrayina Silâlı quvetleri kününde 60 Silâlı quvetleri arbiyi, Milliy gvardiyacı, Devlet sıñır hızmetiniñ hadimleri - yani 58 erkek ve 2 qadın, 15 zabit ve 45 adiy asker ve serjant evlerine qayta. Bayram kününde bu eñ yahşı haber, çünki qaramanlar sağ olmaq kerekler", - dep yazdı o telegramda.
Onıñ sözlerine köre, azat etilgen ukrayinler arasında 34 asker Mariupolniñ mudafaasında iştirak etken ve 14 "Azovstal" zavodunda olğan.
"Ukrayinada kerekli tibbiy yardım alacaq yaralanğanlar bar. Rusiyede ve Ölenivkada tutulğanlar da bar", - dep qoştı Yermak.
Evel, salı künü deñişüv olacağı aqqında Rusiye başlıqları bildirgen edi.
Dekabrniñ 1-nde Ukrayina prezidenti Volodımır Zelenskıy, Ukrayina deñişüvler vaqtında 1319 adamnı azat etip olğanını haber etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.