Kovid hastahanesi olğan Ermeni Bazar merkeziy şeer hastahanesinde ekimler yetmey. Bu aqta şeer hastahanesiniñ baş ekim vazifelerini eda etken Aleksandr Kulik koronavirus yuqunçınıñ tarqaluvı ile küreş şeer operativ ştabınıñ toplaşuvında ayttı.
«Operativ ştab toplaşuvında baş ekim vazifelerini eda etken Aleksandr Kulik qayd etti ki, merkeziy şeer hastahanesinde açılğan kovid hastahanesinde ve tibbiy müessiseniñ özünde kene de ekimler yetmey», – dep aytıla şeerniñ Rusiye memuriyeti haberinde.
Qayd etilgenine köre, hastahane reberligi başqa ekimlerni celp etip meseleni çezmege tırışa, «böylece terapevt yerine qabul etken ekimlerniñ sayısı arttırıla».
Qırımnıñ felâket tibbiyeti merkezi ekimler yetmey, dep bildirgen edi.
Oktâbrniñ soñunda Kreml kontrolindeki Qırım sağlıq naziri Aleksandr Ostapenko, yarımadada qomşu Rusiyeden ekimler kelecegini bekleyler, dep haber etti.