Kyivde Ukrayına rekordı qayd etildi – 16-ğa 9 metr olğan eñ büyük qırımtatar bayrağı. «Suspilne» bildirgenine köre, tedbir Ekinci cian cenkinde Ukrayına milliy tarih müzeyinde oldı.
«Bu künde yanıñızda olmaq menim içün büyük şeref. Bütün Ukrayına, halqım içün müim bir kün. Yapqanlarımız – Ukrayına, qırımtatarlar olaraq – büyük bir maqsad içün – toprağımıznıñ işğalden azat etilüvi, hususan vaqtınca işğal etilge Qırım yarımadasınıñ», – dedi aktsiya teşkilâtçısı İsmail Ramazanov.
Onıñ qayd etkenine köre, Qırım azat etilgen soñ bu bayraq İşğalden qurtaruv müzeyine berilecek.
«Qırımda qırımtatar bayrağı» aktsiyası 2021 senesi Kramatorskta başladı. Göñülliler Ukrayına şeerlerini dolaşqan ve qırımlılarnıñ tileklerini toplağan bayraqnı elnen tikken edi.
2021 senesi iyünniñ 28-nde 200 sarı-mavı ava kürresi vastasınen onı serbesi Ukrayına ve vaqtınca işğal etilgen yarımadanıñ memuriy sıñırından uçurğanlar.
Your browser doesn’t support HTML5
«Хочу, чтобы этот флаг висел в музее деоккупации»: запуск крымскотатарского флага и тысячи открыток в Крым (видео)
İyünniñ 26-nda Ukrayınada Qırımtatar bayraq künü qayd etile – birlik, qırımtatarlarnıñ nesil bağı ve kelecek azatlığı ve aqları oğrunda küreşniñ timsali.
Kök bayraqlı altın tamğa – qırımtatarlarnıñ milliy yañıdan tiklenüviniñ timsali. 1917 senesi Birinci Qurultay bu bayraqnı milliy olaraq tasdıqladı. Qırımtatar bayraq künü 2010 senesinden başlap qayd etile. Yarımadada peyda olğan adet şimdi esas Ukrayınada da devam ettirile. Qırımda ise 2014 senesiniñ işğalinden soñ qıorımtatarlarnıñ Rusiye istilâsına qarşı tirenüv timsali ve kimligini bildirüv usulı oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.