İyünniñ 3-üne binaen dünyada koronavirustan ölgenlerniñ sayısı 380 biñ kişiden çoq oldı. Bunı Johns Hopkins Universitetiniñ malümatı köstere, dep bildire Azatlıq.Radiosı.
Umumen COVID-19 ile 6,3 milliondan ziyade adam hastalandı, 2,7 million adam yahşı oldı.
Eñ çoq ölüm AQŞ-nda - 106 180 kişi, Büyük Britaniyada - 39 452 kişi ve İtaliyada - 33 530 kişi qayd etildi.
Your browser doesn’t support HTML5
Когда будет вакцина: ученые продолжают изучать новый коронавирус (видео)
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.