Dünya sağlıq teşkilâtı Pfizer ve BioNTech şirketleriniñ aşısını acele qullanmağa izin berdi. Aşı telükesizlik ve semerelik talaplarına riayet ete. Onıñ müsbet tarafları menfiy taraflarından çoq, dep bildirdi Dünya sağlıq teşkilâtı.
The Pfizer/BioNTech #COVID19 vaccine today became the first vaccine to receive WHO validation for emergency use since the outbreak began.Equitable global access to vaccines is crucial to combat the pandemic.👉 https://t.co/7WNcHhc3z8 pic.twitter.com/Kyjv5RNzjB
— World Health Organization (WHO) (@WHO) December 31, 2020
Dünya sağlıq teşkilâtı sınav neticeleri daa belli olmağan ilâclar içün acele izin bere. Bundan soñ dünya memleketleri iç litsenziya esnaslarını tezleştire bile, BM ise ihtiyacı olğan memleketler içün aşı satın ala bile.
Pfizer/BioNTech aşısı Amerika Birleşken Devletleri ve Avropa Birliginiñ memleketlerinde COVID-19 ile küreş içün qullanıla. Rusiyede «Sputnik V» aşısı yapıla.
Dünyada koronavirus pandemiyası başlağanından aman-aman 84 million koronavirus hastası qayd etti. Hasta sayısı eki millionğa yaqınlaşa. Hasta sayısına köre ABD lider ola. Pandemiya başlağanından anda 20,5 mln hasta qayd etildi. 350 biñ hasta vefat etti.