Moskva şeer yolbaşçısı Sergey Sobânin sentâbrniñ 23-nde gece devamında Rusiye Federatsiyasınıñ paytahtına ücüm etken uçucısızlar yoq etildi, dep bildirdi.
Onıñ malümatına köre, acele hızmetler çalışa. Sentâbrniñ 23-nde gece Moskva şeer yolbaşçısı altı haber derc etip, er birinde birden üç dronğa qadar tüşürildi, dep bildirdi.
Moskvağa uçqan uçucısızlarnıñ sayısı bir qaç on ola, dep aytıla Baza Telegram kanalınıñ haberlerinde: gece saat 1:27-ge qadar tahminen 20 dane bar edi.
Moskvada kök uçaq seferleri içün qapatıldı, Moskva ava limanlarında «Kilim» planı kirsetildi.
Qırım.Aqiqat bu malümatnı mustaqil bir şekilde tasdıqlap olamay.
Rusiyeniñ Ukrayinağa qarşı büyük istilâsı başlağan soñ Rusiye regionları ve Rusiye işğal etkne topraqlar muntazam sürette ateş ve uçucısızlarnıñ ücümlerine oğray.
Ukrayina tarafı istilâcınıñ ücüm küçüni eksiltmek içün Rusiye ordu bazalarını zayıflatuv işini keçire, dep qayd ete.