Çeçek ayınıñ 22-ne keçer gecesi Rusiye arbiyleri Rusiyeniñ altı yönelişinden ve Rusiye Federatsiyası tarafından ilhaq etilgen Qırımnıñ Çauda burnundan Ukrayina territoriyasına 215 ücüm uçucısızınen ücüm etti, olardan 140-ı "Şahedi" edi, dep bildire Ukrayina Silâlı quvetleri.
"Saba saat 8-de olğan malümatqa köre, ava mudafaası tarafından memleketniñ şimalinde, cenübinde ve şarqında 189 duşman "Şahed", "Gerbera", "Italmas" ve diger tiplerdeki pşlotsız uçaqlar urulıp tüşürilgen", — dep aytıla haberde.
Ukrayinalı arbiyler, 13 yerde 24 uçucısız uçaqnıñ urulmasını ve altı yerde parçalarnıñ tüşmesini qayd etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.