Yanvarniñ 4-ünde Donbassta qanunsız silâlı gruppalar bir künniñ içinde dört kere ateş toqtatılması rejimini bozdı, dep bildire Birleşken Quvetler Operatsiyası.
Ştabnıñ malümatına köre, ukrain askerlerge granatаatqıç, qurşunatqıç ve başqa silâdan attılar.
"Vostok" gruppasınıñ mesüliyetligi olğan rayonda duşmanlar Avdiyivka, Verhnötroitske ve Vodâne köyleriniñ yanında Birleşken Quvetlerniñ mevzilerine üç kere attı. Bundan ğayrı, "Sever" gruppasınıñ mesüliyetligi olğan rayonda Novoluğanske qasabasınıñ yanında da atışlar oldı", - denile beyanatta.
Yañı yılnıñ birinci kününde Donbassta boyevikler eki kere Ukraina askerleriniñ tarafına attı, bunıñ neticesinde bir Ukraina Arbiy Quvetleri askeri yaralandı.
Donbasstaki silâlı çatışma 2014 senesinden itibaren, Rusiye Qırımnı ilhaq etkeninden berli devam ete. Ukraina ve Ğarp Rusiyeni separatistlerge silâlı yardım köstergeninde qabaatlay. Kreml bu qabaatlavlarnı inkâr ete ve Donbassta olsa bile, rusiyeli «göñülliler» bardır dey.
BMTniñ malümatına köre, çatışma esnasında 13 200-den ziyade kişi elâk oldı.