Rusiye FSB-siniñ Qırım idaresiniñ üyken tahqiqatçısı İvan Romanets, qırımtatar faali Edem Bekirovğa advokatı Aleksey Ladinden vazgeçmege teklif ete edi, bunıñ yerine oña, tahqiqatçınıñ sözlerine köre, Aqmescit SİZOsında yahşı şarait berilecek ve cinaiy dava qapatılacaq edi. Bunı Edem Bekirov Qırım.Aqiqat mühbirine aytıp berdi.
"Meni birinci sefer FSB-ge ketirgende, anda advokatlar Aleksey LAdin ve İslâm Velilâyev keldi. Aleksey birden tahqiqatçınen tutuştı, oña maddelerni , bozuqlıqlarnı aytıp başladı. Tahqiqatçı, ögünde oğlançıq degil de, aqıllı advokat olğanını añladı", - ikâye etti Bekirov.
Onıñ aytqanına köre, bundan soñ tahqiqatçı şahsiy subette Bekirovğa añlaşmanı teklif etti.
"FSB tahqiqatçısı Romanets meni FSB idaresinden SİZOğa alıp ketkende, Qırımnıñ aitligi aqqında provokatsion suallerni berip başladı. Men deyim: fikrimni bilmege isteysizmi? Aysa o kesen-kes: Qırım – bu Ukraina. Biz SİZO yanına keldik ve bir arada onen baş-başqa qaldıq, qaravullar çıqqanını duymadım bile. O vaqıt o maña teklif etti: Ladinden vazgeç, men saña deñiz manzarasınen VIP kameranı azırlarım. Saña öyle advokatnı taparım, bu davanı pek tez qapatırmız ve sen... amma qayda tüşecegimni aytıp bitirmedi", – añlattı o.
Bekirov aytqanı kibi, Ukraina ve Rusiye arasında olacaq almaşuv içün televizion programmasından bildi.
Your browser doesn’t support HTML5
Обмен: комментарии освобожденных украинцев (видео)
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı. Oleğ Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
Your browser doesn’t support HTML5
«Борт–35»: самолет с украинцами на пути в Киев (видео)
Ukraina prezidenti Volodımır Zelenskıy ukrainalılarnı ava limanında qarşıladı. O, Qırım.Aqiqatqa izaat berip, Rusiyede apiste tutulğan qırımtatar faalleriniñ azat etilüvi Ukraina-Rusiye almaşuvınıñ ekinci basamağı olacaq.
Qırımtatar Milliy Meclis reisi Refat Çubarov, Rusiye, "ukrain siyasiy mabüsleriniñ azat etilmesi aqqında muzakereler etilgende", ilhaq etilgen Qırım mavzusınen bağlı bütün laflarnı kestirmege tırışa, dep tüşüne.