Dağ ve ormanlar olğan yer: Qırım tabiat qoruğı (süret toplamı)

Aqmescit-Yalta yolundan qoruq manzarası. Onıñ sıñırları yüzümlik artında başlana

Aluşta civarında Qırım tabiat qoruğınıñ memuriy binası yanında. Qoruqnıñ özü on kilometr uzaqlıqta

Memuriy binanıñ divarında müdirlerden birisiniñ hatıra tahtası 

(Rusiye imperatorı adına) Roman şossesi - qoruqtan keçken yekâne asfalt yolu. Bu yerde oña beñli balıq (forel) hocalığınıñ yolu qoşula
 

Qoruqtaki beñli balıq hocalığı Alma özeniniñ vadiysinde yerleşken

Hocalıqta 17 tıynaq bar. Er birisinde maqsat ve yaşına köre türlü beñli balıq yalday: bir yıllıq, satlıqqa ve ilâhre. Mütehassıslar, bu - balıqlar biri-birini aşamasın, dep yapılğan, çünki büyükçe soyları küçüklerni aşay bile

Hocalıqta yarım tonna balıqnı östüreler. Ekseriy alda, onı Qırım göl-tıynaqlarına yibermek içün östüreler, amma balıqnı aşamaq içün de almaq mümkün - kilogrammı içün 1000-er kümüş (400 ğrıvnâ)

Babuğan yaylası ve Çatırdağ arasında yerleşken Kebit Boğaz

Bik tereginiñ tamırları

Almanıñ tıynaqlarından birisi. Dağcılar, yazda bu özen qurığanını ayta

Babuğan yaylasınıñ küz capları

Kiyik ayvanlar içün noruqta aşlavlar qoyulğan