Ukrayina Silâlı quvetleriniñ qarşı ücümi qıyındır, amma er kün adım-adım ögge ketemiz, dep bildirdi Ukrayina Milliy telükesizlik ve mudafaa şurasınıñ kâtibi Oleksiy Danılov.
"Bu bir kezinti degil ve qoyulğan maqsatlarımızğa irişmek qolay degil. Birisi böyle tüşüngen olsa, bunı bilsiñ. Bizim maqsadımız topraqlarımıznı azat etmpktir. Duşmanımız pek küçlü. Şunıñ içün bizim ilerilemiz böyle şekilde kete. Bizim daa bir maqsadımız mümkün olğanı qadar arbiylerimizniñ ayatını saqlamaqtır. Qıyın, amma er kün ögge adım-adım ketemiz", - dep bildirdi o.
Danılov, tasdıqlanğan plan boyünce ketkenini ve qıyın bir ameliyat olğanını qayd etti.
Keçende Ukrayina Mudafaa naziriniñ muavini Ğanna Malâr şarqiy yönelişlerniñ episinde vaziyet "kergin ve pek dinamik" olğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.