Qırımtatar halqı meclisiniñ reisi Refat Çubarovnıñ fikrince, Moskvanıñ 137 şahısnı "çetel agenti" olaraq belgilemesi, olarnıñ büyük ekseriyeti Qırımtatarlar — erkekler ve qadınlar, nasıldır bir şekilde "Qırım birdemligi"nen bağlı olğanlar — büyük havflı tendesiyalarnıñ artmasını köstere.
Onıñ aytqanına köre, faalerge ve teşkilâtlarğa qarşı repressiyalardan taqip etilmesine avuştıruv başlandı. İnsanlar tek öz iştiragi ya da birdemlik ifadeleri içün repressiyağa oğraylar, deyler.
"Bu sivil birdemligine qarşı cinanayet. Qırımtatar halqı içinde özara yardımnıñ öz-özünden olması arzu etilmegen ilân etile. Rusiye akimiyeti insan aqları faaliyetiniñ, gumanitar yardımnıñ ya da siyasiy mabüslerge yardımnıñ er bir ifadesini havflı yapmağa tırışa", — dep, qayd etti Çubarov.
Siyasetçi Rusiye akimiyeti tarafından kollektiv cezanı qullanmaq qanunnıñ esas prinsiplerine qattı zıt kelgenini bildirdi.
"Mustaqil matbuatnıñ lâğu etilmesinden, faallerniñ taqip etilmesinden, Qırımtatar halqınıñ Meclisiniñ yasaq etilmesinden ve yüzlernen uydurılğan cinaiy işlerden soñ, işğalci akimiyet halqnıñ özleri içindeki gorizontal bağlarnı yoq etüvge keçti", — dep bildire Çubarov.
Rusiye Adliye nazirligi çetel agenti olaraq tanılğan "Qırım birdemligi" cemaat areketiniñ iştirakçileri dep sayğan insanlarnıñ cedvelini 137 insanğa qadar kenişletti. Bu aqta keçken afta areket iştirakçisi Lutfiye Zudiyeva Facebookta bildirgen edi.