COVID-19 hastalarınıñ sayısı artqanı sebebinden, Sudaq telüke altındadır ve bu bolgede ciddiy bir lokdaun rejiminiñ tayin olunma ihtimalı yüksektir, dep bildirdi şeerniñ Rusiye başı İgor Stepnikov.
«Böyle bir qarar alınğan taqdirde aqibetler nasıl olacağını añlatmaq kerekmeydir. Bütün kurort ve turizm saasınıñ işi telke altdında olacaq. Bir daa Qırım Cumhuriyeti başınıñ fermanınıñ talaplarına ve qırğınlıqqa qarşı tedbirlerge ciddiy şekilde riayet etmege çağıram. Rayon sakinlerini, hususan kurort saasınıñ hadimlerni vaktstnatsiyada faal iştirak etmege çağıram», – dedi Stepikov.
Koronavirusqa qarşı küreş tedbirlerni daa yahşı nezaret etmek içün er kün çalışacaq monitoring gruppaları teşkil etilgenini de bildirdi.
Hatırlatamız, Qırımdaki Rospotrebnadzor idaresiniñ yolbaşçısı Natalya Penkovskaya Qırım ve Aqyarda koronavirus hastalarınıñ sayısı artqanını qayd etti. Qırımnıñ Rusiye yolbaşçısı Sergey Aksenov yarımadada yañı lokdaun olacaq, dep qorqa.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.