Fotoresimlerdeki Qırım: Çufut Qale Sovetler Birligi zamanında (fotoresimler)
Çufut Qaleniñ eñ qadimiy qısmından baş divar ve X asırnıñ kemeri qaldı. Şeerni Qırımnıñ farqlı halqları kontrol etti. Anda bizans, alan, qırımtatarlar ve qaraylar yaşadı
Şeer qapusı
Şeerde yüz yetmiş qoba bar, amma insanlar evlerde yaşadı. Qobalar mağaz ve zindan olaraq qullanıldı
Moskvalı Lüda K. 1983 senesi qayalardan birinde «qadife mevsiminden» selâm qaldırdı
Çufut Qale plato töpesinde buluna. Şeerniñ üç tarafı uçurım. Bazı tarihçılar Çufut Qale, Eski Kermen ve Mangup Qaleni VI asırda bizanslar tarafından Cenübiy-Ğarbiy Qırımnıñ dağlarında qurulğan istinat qale ağına ait olğanını ayta
Tarihçılarnıñ aytqanına köre, yunanlar qurucılıqta eñ ileri ilmiy yeñişlerni qullandı. Abideviy divarlardan ğayrı, olar şeerge suv bergen müendislik inşaatlarnı qurdı
XV asırdan başlap bu topraqlar Qırım hanlığına ait ola. Çufut Qale devletniñ ilk paytahtı ola. Mında qırımtatarlar ve qaraylar yaşadı, olar şeerde cami ve kenassalar qurdı. Fotoresimde – XVI-XVIII asırlarda qurulğan qaray kenassalarınıñ manzarası
Qaraylar – Qırımnıñ tamır halqlarından biri. Til, halq ağız yaratıcılığı, turmuş adetleri ve yaşayış tarzları türk halqlarına oşay, amma dinleri başqa – qaraylar Eski Ahitke esaslanğan dinni küte
Canike Hanım Dürbesi. Altın Ordunıñ soñki hanı Tohtamış dürbeni Canike qızı içün qurdırğan. 1437 senesi o, şeer qamaçavında elâk oldı
Platonıñ sol tarafında Meryem Dere ve qobadaki Uspenskiy manastırı ve Mariampolis yunan şeeriniñ qalğan qısımları bar. XVIII asırda mından köçürilgen hristianlar Azaq deñizinde Mariupol şeerini qurdı