Rusiyeniñ Çerniğivge qarşı kerçekleştirgen raketa ücümi vaqtında «Sofra» qırımtatar qavesi zarar kördi, dep haber ete Qırım.Aqiqat mühbiri.
Bina raketa tüşken drama teatriniñ qarşısında buluna.
«Pencere ve qapular qırıldı», – dep bildirdi «Sofra» saibi Asan Bucurov. Onıñ aytqanına köre, içeride olğan insanlar yaralanmadı.
Soñki malümatqa köre, Rusiyeniñ Çerniğivge qarşı yapqan ücümi neticesinde yedi insan elâk oldı. 90 kişi tibbiy yardım istedi, dep bildirdi Ukrayına iç işler naziri İğor Klımenko.
Prezident Volodımır Zelenskıynıñ qayd etkenine köre, Çerniğiv merkezine qarşı raketa ücümi Ukrayınanıñ dünyanı terrorist Rusiyege qarşı birleştirgeniniñ sebebi ola.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.