Onıñ aytqanına köre, Amerika yardımı endi cebege kelip başlağanı içün, Rusiye generalları "silâ teminlevi yeterli olmağan ukrayin ordusını teşkermek içün bütün olğan tehnikanı qullanalar.
"Rusiye, bir-eki ay içinde yeterli qadar silâ alsaq, vaziyet olarğa qarşı deñişe bilecegini bile", — dep qayd etti Pavlük.
Onıñ qayd etkenine köre, "Ukrayina acele olaraq ava mudafaasınıñ quvetleştirilmesine muhtac", ve iyün başında beklenilgen F-16 qırıcı uçaqlarınıñ ketirilmesi "ruhiy ceetten" pek müim olacaq.
General-leytenantnıñ fikrince, Rusiye ileride de Lugansk ve Donetsk vilâyetlerine diqqat ayıracaq. Amma ukrayin istihbaratı, Rusiye orduları Harkiv ve Sumı vilâyetleriniñ şimaliy-şarqiy rayonlarına ücüm etip, mudafaağa irişecek, dep tahmin ete.
"Rusiye eñ uyğun yönelişni saylamazdan evel sıñırlarımıznıñ dayanıqlığını teşkere", — dep bildirdi o.
O şunı da qayd etti ki, Rusiye Kıyivni zapt etmek ğayesinden vazgeçmedi.
"Şarqta ne qadar qıyın olsa da, Kıyivni qorçalamaq bizim esas vazifemizdir. Bu Ukrayinanıñ yüregi ve paytahtınıñ mudafaası kelecekte nasıl müim rol oynaycağını bilemiz", — dedi general-leytenant.
Pavlük, "Ukrayina ordusı top ve zırhlı tehnikanıñ qıtlığını duya, ve Ukrayina Ğarpnıñ yardımına ümüt ete", dep qoştı. Onıñ aytqanına köre, "yañı quvetlerniñ bir qısmı paytahtnı qorçalamaq içün qullanılacaq".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.