Bu aqta Ukrayina prezidentiniñ Qırım Muhtar Cumhuriyetindeki temsilcisi Tamila Taşeva bildirdi, dep haber ete Ukrinform.
"2019 senesinden başlap qırımlı esirlerniñ azat etilmesi toqtatıldı, çünki Kreml akimiyeti qırımlı mabüslerni bermege azır degil edi", — dep bildirdi Taşeva.
Onıñ hatırlatqanına köre, iyünniñ 28-nde 218 mabüs bar edi, şimdi ise Celâlnıñ azat etilmesi ile 217 oldı. Olarnıñ 60% qırımtatardır.
Your browser doesn’t support HTML5
Наримана Джеляла вернули в Украину из российского заключения. Эмоции и первые кадры возвращения гражданских из плена РФ (видео)
İyünniñ 28-nde Ukrayina prezidenti Volodımır Zelenskıy bildirdi ki, Qırımtatar Milliy Meclisi reisiniñ birinci muavini, Qırım.Aqiqat müellifi Nariman Celâlnı Rusiye apishanesinden Ukrayinağa qaytardılar.
2022 senesi sentâbrniñ 21-nde Rusiyeniñ kontroli altında bulunğan Qırım Yuqarı mahkemesi Nariman Celâlnı "Anğarada gaz borusında diversiya davası" boyunca sert rejimli koloniyada 17 yılğa azatlıqtan marum etip, 700 biñ ruble para cezasını ve 1,5 yıl azatlıqtan marum etüv cezasını berdi.
Ondan ğayrı Asan Ahmetovnı 15 yıl sert rejimli koloniyada qalmasına üküm etip, 500 biñ ruble para cezasını ve 1 yıl azatlıq sıñırlavını belgilediler. Onıñ qardaşı Aziz Ahtemov 13 yıl sert rejimli koloniyada qalmasına üküm etildi, 500 biñ ruble para cezası ve 1 yıl azatlıqtan marum etildi.
Oktâbrniñ 2-nde Nariman Celâl ve ağa-qardaş Ahtemovlarnı Aqmescitteki 2-nci SİZO-dan alıp ketip, Rusiye apishanelerine etap ettiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.