Rostov-na-Donudaki Cenübiy okrugınıñ arbiy mahkemesi «qırımlı musulmanlar davası» mabüsleriniñ SİZOda tutuv müddetini uzattı, dep haber ete «Qırım birdemligi» advokat Emil Kurbedinovnıñ malümatına esaslanıp.
Böylece Enver Kroş, Vilen Temeryanov, Edem Bekirov, Seitâğya Abbozov ve Rinat Aliyev 2025 senesi fevralniñ 28-ne qadar apiste qalacaqlar.
Nevbetteki toplaşuv dekabrniñ 16-na belgilendi.
2022 senesi avgustnıñ 11-nde saba faaller işğal altındaki Qırımda Rusiye quvetçileri qırımtatarlarnıñ evlerini tinte, dep bildirdi. Advokatlarğa kirmege izin berilmedi, bazı yerlerde cep telefonı bağı söndürildi. Altı er adamı – Vilen Temeryanov, Enver Kroş, Seitâya Abbozov, Murat Mustafayev, Edem Bekirov ve Rinat Aliyev Rusiyede yasaqlanğan «Hizb ut-Tahrirde» iştirak etkeninde qabaatlanıp tutuldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.