Canköy rayonınıñ bir qaç köyünde tahliye ilân etildi, dep bildirdi Rusiye tayin etken Qırım yolbaşçısı Sergey Aksenov.
Bundan evel o, uçucısız silâ anbarına ücüm etkenini tanıdı.
«Canköy rayonında fevqulâde adise yerinden 5 kilometr radiusta yaqın köylerniñ ealisini tahliye etmege qarar alındı. İlk malümatqa köre, yaralanğanlar yoq», – dep yazdı o, Telegram kanalında.
Aksenovnıñ bildirgenine köre, «telükesizlik maqsadınen» Canköy rayonındaki demiryolda ve Canköy-Aqmescit araba yolunda areket qapatıldı.
İyülniñ 24-nde saba Aksenov Qırımda 11 uçucısız yoq etildi, dep bildirdi. Canköy rayonında silâ anbarından ğayrı, uçucısız parçaları İslâm Terek rayonındaki mesken evge zarar ketirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.