"Canköy" stantsiyasında yolcularnı alıp tüşürmege yavaş-yavaş başlaylar, dep bildirdi mayısnıñ 25-nde kündüz "Grand Servis Ekspress" Rusiye taşıyıcısınıñ matbuat hızmeti.
Haberge köre, Canköyde qomşu Rusiyeden Qırımğa ketken trenler toqtaycaq:
№ 98 Moskva – Aqmescit
№ 18 Moskva – Aqmescit
№ 68 Moskva – Aqmescit.
Qırımdan qomşu Rusiyege ketken № 168 Aqmescit – Moskva treni de Canköyde toqtaycaq.
Qırımdan 25.05 çıqqan trenler Canköyge kirmeyip, Qurman stantsiyasında toqtaycaq:
№ 316 Aqmescit – Adler
№ 28 Aqmescit – Moskva
№ 180 Yevpatoriya – Sankt-Peterburg
№ 008 Aqyar – Sankt – Peterburg
№ 68 Aqmescit – Moskva
№ 26 Aqmescit – Mineralnıye Vodı
№ 174 Kezlev – Moskva
№ 92 Aqyar – Moskva
Mayısnıñ 25-nde "Grand Servis Ekspress" bildirgenine köre, "Canköy" stantsiyası üç künden berli qapalı qala.
Stantsiya mayısnıñ 23-nde qapatıldı. "Yujnaya prigorodnaya passajirskaya kompaniya" stantsiya "tehnik sebeplerden" qapatıldı, dep bildirdi, amma bir tafsilât berilmedi.
Bunıñnen beraber, "Krımskiy veter" Telegram kanalı mayısnıñ 23-nde gece "Canköy" stantsiyası yaqınlarında dört patlav aqqında bildirdi. Uydu çekimleriniñ malümatına köre, obyektke yaqın yanğın oldı.
Ukrayina ve Rusiye arbiyleri darbe aqqında malümatnı şimdilik tasdıqlamadı.