Videonıñ rejissöri qırımtatar asıllı ukrayin oyuncısı Ahtem Seitablayev oldı.
Teşkilât videoklipniñ çıqarıluvına ukrayin ve qırımtatar medeniyetleriniñ birligi ilham berdi, dep bildirdi. «Çalaşım» qırımtatar yırı ve «Çobotı» ukrayin yırınıñ adları farqlı olsa da, aynı modal ve ağız temellidir. Şaqa şeklinde yazılğan şiiriy metin etnografik hususiyetlerni, toydan evelki azırlıqlarnıñ keyfini ve merasimniñ özüni añlata.
«Bu folklor eserleriniñ muzıkalı ve şiiriy mündericesiniñ umumiyligi qırımtatar ve ukrayin halqlarınıñ toy merasimleriniñ elementlerini aks ettirgen videorolikniñ çıqarıluvına ilham berdi», – dep ayrıca qayd etti «Qırım ailesi» teşkilâtı.
Usein Bekirov yırnıñ aranjirovkasını yaptı, Osman Dilâver ve Lali Ergemlidze icra ettiler. Klip «Bilgi» adlı leyha çerçivesinde ve Ukrayina medeniy fondunıñ desteginen çıqarıldı.
Noyabrniñ başında berilgen malümatqa köre, «Knığa-mandrivka» ukrayin leyhası bu sefer Qırım tarihına bağışlanğan daa bir animatsion filmni çıqardı.
Bundan evel Kyivdeki «Molodist» 53-ünci Kyiv halqara kinofestivali çerçivesinde ayrı qırımtatar künü teşkil etilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.