«Buña alâ daa inanıp olamayım». Keriç faciasınıñ şaatları (video)

Keriç politehnik kolleciniñ talebeleri Qırım.Aqiqatqa patlav ve atışma aqqında tarif etti. Olar Rusiye Tahqiqat komitetiniñ malümatına köre, kollecde patlav kerçekleştirgen ve ateş açqan Vladislav Roslâkov aqqında bilgenlerinen paylaştı. Keriçteki kütleviy öldürüvde elâk olğanlarnıñ tolu cedveli derc etilgen edi. Daa soñra belli oldı ki, Keriçteki ücüm neticesinde elâk olğanlarnıñ sayısı 21-ge arttı. Patlav çarşenbe künü Keriç politehnik kollecinde oldı. Rusiyeniñ terrorizmge qarşı milliy komiteti, kollecde bomba patlağanını bildire. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.