Rusiye arbiyleri Radushnoye qasabasına qarşı KNDR tarafından yapılğan raketanı qullandılar, bu çoq vaqıt içinde ilk sefer oldı, dep bildirdi Ukrayina prezidenti Volodımır Zelenskıy facianıñ ilk tahqiqat neticelerine esaslanaraq.
"Elbette, daa ekspertiza olacaq, er şey teşkerilecek, amma şimdilik bu Şimaliy Koreyanıñ ballistikası", — dep yazdı devlet yolbaşçısı telegramda.
Prezident Ukrayinanıñ ortaqlarına muracaat eterek, "eñ esası sadece taziye degil de, ava mudafaası içün raketalar", dep qayd etti.
Your browser doesn’t support HTML5
На Дніпропетровщині загинула багатодітна родина через обстріл РФ
Yerli akimiyetniñ malümatına köre, Oraqnıñ 30-nda Dnipropetrovsk vilâyetindeki Krıvıy Riğ rayonınıñ Raduşnoye qasabasında Rusiyeniñ Ukrayinağa yapqan darbesinde eki büyük ve dört bala elâk oldı. Farqlı malümatlarğa köre, dörtten sekiz insan zarar kördi.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.