Kıyiv vilâyetiniñ Brovarı şeerinde helikopter qazası neticesinde Ukrayina İç işler nazirliginiñ reberligi elâk oldı. Bunı Ukrayina Milliy polisi reberi İgor Klimenko haber etti.
"Bugün saba, yanvarniñ 18-nde, Devlet fevqulâde vaziyetler hızmetiniñ helikopteri Brovarı şeerinde qazağa oğradı. Qaza neticesinde İİN reberligi elâk oldı: nazir (Denis Monastırskiy – QA), nazirniñ birinci muavini (Yevgen Yenin – QA) ve devlet kâtibi (Yuriy Lubkoviç – QA). Episi olıp 16 adam elâk oldı, olardan 2 bala. 22 kişi hastahanedeler, olardan 10 bala. Qaza yerinde muvafıq ve ihtisas hızmetler çalışmaqta'', - dedi Klimenko.
Daa evel Kıyiv vilâyetiniñ Brovarı şeerinde bala bağçası yanında helikopter qazağa oğrağanı aqqında haber etilgen edi. Qaza sebebi şimdilik belli degil.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.