«Boş kürsüler»: siyasiy mabüslerniñ destegine aktsiya
#PrisonersVoice global kapmaniyası çerçivesinde meşur yazıcılar, jurnalistler, akterlar ve çalğıcılar Krelmniñ esirlerine mektüpler yazdı ve Sofiyivska meydanında aktsiya vaqtında olarnı oqudılar
Tedbirniñ maqsadı – ukrainlerge ve dünya toplulığına Rusiye ve Qırımda siyasiy sebeplerden apis etilgen ukrain vatandaşlarınıñ davaları aqqında hatırlatmaq ve akimiyet temsilcilerini olarnıñ azat etilmesi içün elinden kelgenini yapmağa davet etmektir
Ukrain yırcısı Hrıstına Soloviy Qırımda tevqif etilgen Qırım.Aqiqat frilanserı Vladislav Yesipeknoğa mektüpni oqudı:
"Sevimli Vladislav, biz siznen tanış degilmiz ve bu mektünpi yazğanda kendimi biraz hucur is etem. Amma Ukrainada, memleketnin şarqında cenk ketkenini, işğal etilgen qırımda ise basqılar devam etkenini unutmaq mümkün degil. Şunıñ içün sizge mektüp yazam, diger insanlarnıñ diqqatını siyasiy mabüslerniñ, qanunsız tutulğanlarnıñ mevzusına celp etmek içün", - dep oqudı Soloviy
Uquq qoruyıcılarnıñ malümatına binaen, Rusiye ve o ilhaq etken Qırımda 127-den ziyade Ukraina vatandaşı siyasiy sebeplerden serbestlikten marum etilgen, olarnıñ arasında 89 qırımtatar
Tefqif etilgenler arasında – qırımtatar faali ve siyasetçisi Nariman Celâl (, Qırım.Aqiqat frilanseri Vladislav Yesipenko, Aleksey Bessarabov, vatandaş jirnalistleri Server Mustafayev, Asan Ahtemov, Timur İbragimov, Seyran Sali Suleymanov, Osman Arifmemetov, Rustem Şeyhaliyev ve Amet Suleymanov
Aktrisa Rimma Zübina
Aktsiyada 50-den ziyade adam iştirak etti. Teşkilâtçılar meydanda siyasiy mabüslerniñ adları ile yüzden ziyade kürsü yerleştirdi
Ukrain aktrisası Natalya Sumska aktsiya vaqtında qırımtatar faali ve sisetçisi Nariman Celâlğa mektüpni oqudı.
"İnanamız ki, muracaat etkenimiz qaramanlarımız içün daa yahşı taqdir ayırılğan. İnanam ve bütün qalbim ile evleriñizge qaytmañıznı tileyim. Ve iç bir kimse sizge öz sevimli işiñiznen oğramağa keder etmegenini isteyim. "Qırım altını" Ukrainağa qaytqanı kibi, siz de evleriñizge qaytırsız", - dep oqudı o
Qırım.Aqiqat jurnalisti, sabıq siyasiy mabüs Mıkola Semena
Jurnalist Osman Paşayev
Vladıka Kliment, Aqmescit ve Qırım Ortodoks kilsesiniñ arhiyepiskopı
"Boş kürsüler" uquq qoruyıcı aktsiya er yıl noyabrniñ 15-nde keçirile