Ukrayinanıñ Rusiye Federatsiyasınıñ Kursk vilâyetinde ücüm etmesi Kreml yolbaşçısı Vladimir Putinniñ narativine "ciddiy bir darbe" oldı, dep bildirdi AB tış işler yüksek temsilcisi Jozep Borrel.
O, Ukrayinanıñ Rusiye arbiy maqsadlarına qarşı ğarbiy silânı qullanmasına izin berilmesine qol tuttı.
"Ukrayinağa qarşı istilâda iştirak etken Rusiye arbiylerine qarşı sıñırlavlarnıñ lâğu etilmesi, halqara uquqqa köre, bir qaç müim aqibetlerge yol açacaq", — dep ayttı Borrel.
Borrel, Ukrayina tış işler naziri Dmıtro Kulebağa Avropa Birliginiñ Ukrayinanıñ Rusiye tecavuzına qarşı küreşine qol tutqanı aqqında haber etkenini qoştı:
"Men onı Brükselde körmege kelecek afta AB tış işler ve mudafaa nazirlerinen Ukrayinağa qol tutqanımıznı muzakere etmege ümüt etem".
Ukrayina, ğarbiy ortaqlarını, olarnıñ silâsını Rusiye territoriyasınıñ terenlerine ücüm etmek içün qullanmağa ruhset bermege defalarca çağırğan edi. Bu sıñırlavlarnıñ lâğu etilmesine, şu cümleden, Frenkistan prezidenti Emmanuel Makron ve NATO baş kâtibi Yens Stoltenberg qol tuttılar. Lâkin, misal içün, ABD, Almaniya bunı yapmaqnı red eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.