BMT İnsan aqları yuqarı komissarınıñ ofisi Rusiyeniñ büyük istilâsı neticesinde Ukrayinada 9511 arbiy olmağan adamnıñ ölümini ve 17205 kişiniñ yaralanmasını tasdıqladı. Bu teşkilâtnıñ 2022 senesi fevralniñ 24-den 2023 senesi avgustnıñ 27-ne qadar olğan malümatıdır.
Teşkilâtnıñ malümatına köre, 2023 senesi avgutnıñ 1-nden 27-ne qadar Ukrayinada silâsız adamlarnıñ 585 ölüm ya da yaralanuv faktı qayd etilgen, olarnıñ arasında 5 elâk olğan ve 19 yaralanğan bala.
Teşkilâtta, qurbalarnıñ kerçek sayısı daa çoq çoqtır, dep qayd eteler, çünki şiddetli arbiy areketler devam etken bazı yerlerden kelgen malümat keç qala ve bir çoq haberlerniñ tasdıqlanması kerek.
İyülniñ ortasında Baş prokuror Andriy Kostin, 50-den çoq rusiye arbiyine Ukrayinada cinayetler etkeni içün üküm çıqarılğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.