RusiyeUkrayinanıñ energetik infrastrukturasına ücümleri arttıra, vatandaşlarnıñ qurbanları çoq, dep aytıla MT nezaret missiyasınıñ boş aynıñ 12-nde derc etilgen er aylıq esabatında.
Missiyanıñ qayd etkenine köre, orta kğz ayınıñ 10, 22 ve 30-ndaenergetik infrastruktura obyektlerine üç büyük ücüm yapıldı ve memleketniñ bir çoq vilâyetinde elektrik energiyasınıñ kesilmesine sebep oldı. Boş ayda vaziyet eyileşmedi, Rusiye ordusı Ukrayinanıñ energetik ağına yañı darbeler endirdi, bu ise bütün memlekette elektrik teminlevi bozulmasına ketirdi.
Orta küz ayında eñ az 148 vatandaş elâk oldı ve daa 929 yaralandı, bu ise, bundan evelki eki ayğa beñzegen qurbanlarnıñ yüksek seviyesi saqlanılğanını köstere, dep qayd ete BM.
"Ukrayinada vatandaşlar daa bir qışqa azırlanğanda, energetik infrastrukturağa yapılğan ücümlerniñ sayısı arta ve bunıñ neticesinde elektrik energiyasınıñ kesilüvi eali içün telükeler arta. Suv, elektrik ya da suv teminatınıñ bozulması qartlar, saqatlar, küçük balaları olğan qorantalar ve qadınlar içün pek ağır bir vaziyetni yarata, çünki olar qorantanıñ temel ihtiyaclarını temin etmek içün mesüliyetli olalar", — dep bildire missiyanıñ matbuat hızmeti MMPÇ başı Daniel Bellniñ aytqanlarını.
BMT missiyası qayd etti ki, 2025 senesiniñ qara qış ayından orta küz ayına qadar vatandaşlarnıñ qurbanlarınıñ sayısı keçken seneniñ aynı müddetine köre 27 fayızğa ziyadedir, ve 2025 senesiniñ ilk on ayında elâk olğan ve yaralanğanlarnıñ sayısı endi 2024 senesiniñ bütün sayısını aştı.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.