Eger Ormuz boğazından kübre serbest-serbest naqıl etilmege başlamasa, on millionlarnen adam açlıq ve ğıdasızlıqqa oğray bile, dep haber etti Frans-Press agentligine Birleşken Milletler Teşkilâtınıñ leyha hızmetleri ofisiniñ (YUNOPS) idare müdiri Horhe Moreyra da Silva.
Onıñ aytqanına köre, gumanitar buhranını toqtatmaq içün "bir qaç afta" qaldı. "Biz daa 45 million adamnı ğıdasızlıqqa ve açlıqqa oğrata bilecek buhrannı köre bilemiz», — dedi YUNOPS müdiri.
O, daa çoq memleketler kübre ve oıñnen bağlı hammalnı taşığan bir qaç gemige ruhset berme planını destekleyler, amma ABD ve İran ve kübreniñ esas istisalcıları olğan Basra körfezi memleketleri daa tolusınen buña qol tutmadılar, dep saya.
BMT-nıñ yüksek rutbeli adamı, "mesele şunda ki, saçma mevsimi beklep olamay", bazı Afrika memleketlerinde saçma mevsimi episi olıp bir qaç afta devam ete, dep qayd etti.
Moreyra da Silva qayd etti ki, boğazdan künde kübre taşığan eñ azdan beş gemige ruhset berilse, çiftçiler buhrandan qaçınmaq mümkün.