BMT baş kâtibi Antoniu Guterriş, Rusiye tarafından işğal etilgen Qırım ve Donbas içün halqlarnıñ öz muqadderatını tayin etüv prinsipi qullanılamaz, dep bildirdi.
Bu aqta qara qış ayınıñ 29-nda Nyu Yorkta matbuat konferensiyasında Rusiye jurnalistiniñ suallerine cevap bergen BMT Baş kâtibi Antoniu Guterriş bildirdi
"Uquqiy meseleler İdaremiz tarafından yapılğan pek diqqatlı tedqiqten soñ, öz-özüni tayin etüv prinsipi Qırım ve Donbas vaziyetinde qullanılmaz, dep tüşünemiz. Şunıñ içün bu vaziyette Ukrayinanıñ topraq bütünligi prinsipi üstündir", —dedi Guterriş.
Guterrişniñ böyle cevabına Rusiye Federatsiyasınıñ Havfsızlıq Şurasınıñ reis muavini Dmitriy Medvedev cevap berdi.
"Ya Baş kâtipke ve uquqiy meseleler idaresine BMT nizamnamesini añlatmaq aqqını kim bergen? Nizamnameniñ 96-ncı maddesine köre bçyle aq yalıñız BMT Halqara mahkemesinde bar. O da BMT Baş Assambleyasınıñ ya da Telükesizlik Şurasınıñ talabınen ola bile", — dep yazdı Medvedev Telegram-kanalında.
Qara qış ayınıñ 29-nda Rusiye tış işler naziri Sergey Lavrov, Rusiye BMT-ge Donbas ve Qırım ealisiniñ öz taqdirini belgilemek aqqını tanımaq ricasınen muracaat etti, dep bildirdi.