Keçken ay devamında ukrayin uçucısız uçaqları Rusiyeniñ neft infrastrukturasına cenk başlağanından berli er bir ayğa nisbeten eñ az 30 qat ziyade ücüm etti, dep bildire Bloomberg.
16 cermay zavodı ücüm etildi, şu cümleden Rusiyeniñ eñ büyük 10 zavodından 8-i. Zavodlarnıñ bir qısmı defalarca ücüm etildi.
Quralayda işlenüv miqdarı künde 4,58 mln barrelge qadar tüşecek — bir yıl evelsi olğanından 13%-ğa az, ve 2009 senesiniñ küzünden berli eñ az, dep bildire OilX analitikleriniñ tahminleri. Olarnıñ aytqanına köre, Ukrayina nişanlar cedvelini kenişletti ve sanksiyalar sebebinden ğayrıdan tiklemege qıyın olğan ekinci qurulış, terminal ve nasos stanksiyalarına ücüm ete.
Agentlikniñ qayd etkenine köre, Rusiyeniñ yaqarlıq buhranından evel yılnıñ başından berli benzin fiyatları eki rubleden ziyade arttı, yaqarlıqnıñ fiyatı ise tek ilhaq etilgen Qırımda belgilendi.
Hatırlatamız, Rusiye ükümeti memleketten aviasiya kerosininiñ çıqarılmasını yasaq etti.